Uns din que o mataron os falanxistas e a Garda Civil nos montes do Confurco. Outros, que houbo traizón, que foron os seus propios compañeiros. Sucedeu na noiteboa de 1936, logo de andar fuxido polos montes do sur de Pontevedra con 223 homes que loitaban pola República. Manuel González -O Fresco- era un -señorito- desclasado nas organizacións da Fronte Popular. Daqueles días arrepiantes da Guerra Civil deixou escritas unhas memorias que, preparadas por Víctor F. Freixanes, viron a luz por primeira vez en Xerais en 1980, despois dun silencio de máis de corenta anos. Presentado pola revista -Triunfo-, o libro …
Nestes dous relatos - O DERRADEIRO DÍA DUN CONDENADO e CLAUDE GUEUX- igual que
en toda a súa obra, Victor Hugo fai gala dunha humanidade, unha comprensión e
unha mesura absolutamente inseparables da súa firmeza, coherencia e valentía.
Canto ao valor literario, cómpre subliñar a súa innovación ao introducir o xénero
da introspección feita polo propio personaxe. Neste sentido, O derradeiro día dun conde-
condenado resulta unha novela contemporánea.
Desgraciadamente, o alegato en favor da abolición da pena de morte
tamén segue plenamente vixente nos nosos días. …
Congratúlase Laiovento en publicar na colección VentoaLto unha nova edición de O reiciño de Galiza, de Victor Hugo, que marcou a aparición do número 100 do seu catálogo.
Le petit roi de Galice -un capítulo da visión poética da Historia constituída por La Légende des siècles- é unha composición épica de importancia certa, tanto para a crítica literaria como para o propio autor, que chegou a deseñar unha portada onde se xunguen a paisaxe compostelá e a historia de Nuno.
A emotividade e intensidade do texto huguiano consérvase plenamente na versión galega -tamén en verso- de Henrique Harguindey. Os lectores e lectoras …
A xunqueira de Alba é o espazo natural do concello menos visitado pola veciñanza pontevedresa. Aínda que esquecido, agocha gran variedade de especies vexetais e animais propios dos humedais galegos, moitas delas en franca regresión. Declarada Espazo Natural de Interese Local (enil), non só destaca pola riqueza medioambiental e paisaxística, tamén conta cun tramo do Camiño de Santiago ao longo da xunqueira. Durante o percorrido atopamos unha variada mostra do patrimonio arquitectónico e etnográfico nas parroquias de Lérez e Alba. Asalto ao tren da Portela fala dun tempo onde a nenez se vivía fóra da casa, de longos veráns e …
Saíase das catacumbas da mobilización antifranquista e entrábase na -movida-. Aquela década dos æ80 -da que o fotógrafo Víctor de la Heras elixiu o que el considera o epicentro, entre 1983 e 1987, para nutrir visualmente este libro- foi un período de axitación preñado de día por sucesos políticos ou económicos de envergadura mentres pola noite unha tribo de modernos mesturaba euforia creativa cun desenfreado espírito lúdico entre concerto e concerto; foron os anos en que o naval saíu á rúa pero tamén os dos estragos da droga, cuxos efectos decimaban unha xeración de vigueses, ou os da sida que …
Velaquí un dos grandes textos da literatura galega contemporánea. Entre 1776 e 1783 arredor de cincocentas familias de Galicia, Asturias e a Maragatería embarcaron na cidade da Coruña para ir poboar terras ao sur da provincia de Buenos Aires, o que os historiadores coñecen como a Expedición das Familias. Alí crearon varios asentamentos, dos que unicamente sobrevive Nosa Señora do Carme de Patagones, na boca do río Negro. O conde de Floridablanca e os ministros de Carlos III deseñaron a ocupación para evitar que o inglés se establecese naquelas latitudes. Cen anos despois, en 1885, o piloto de Noia, Basilio …
Utilizamos cookies propias y de terceros para mejorar su experiencia y nuestros servicios analizando su navegación en nuestra web y cómo interactúa con nosotros y poder mostrarle publicidad en función de sus hábitos de navegación. Para consentir su utilización, pulse el botón “Acepto”. Puede obtener más información consultando nuestra Política de Cookies.